Fendi qadın çantası modelləri

1918-ci ildə Adele Kazaqrande Romada xəz və dəri məmulatlarının satışı ilə məşğul olan bir mağaza açdı. Sonralar, 1925-ci ildə Edoardo Fendiyə ərə gedəndən sonra onlar mağazaya aliə başçısının soyadını verdilər. Biznesləri irəlilədiyindən cütlük daha bir mağaza açdı. 1946-cı ildə isə fendilərin beş qızının ən böyüyü Paola öz bacıları Karla, Anna, Franka və Alda ilə firma üçün işləməyə başladılar. Bacılar «nüfuz dairəsi»ni müəyyənləşdirdilər və hər kəs konkret bir işlə məşğul olmağa başladı.
1969-cu ildə xəz məmulatlarının ilk dolğun «ready-to-wear» kolleksiyası peyda oldu. Lakin Fendi bacıları heç də həmişə nümayiş zamanı mobelin şubanın altından geyinməsi üçün münasib libas tapa bilmirdilər. Beləcə, ilk geyim kolleksiyası meydana çıxdı. Bu gün isə «Fendi» təkcə şuba yox, həm də geyim, çəkmə və aksessuarlar deməkdir.
Ötən əsrin altmışıncı illərində «Fendi» məşhur iki qat «Fendi» – «FF» emblemini yaratmış cavan və perspektivli alman dizayneri Karl Lagerfeld ilə əməkdaşlığa başladı. Bu gün «FF» emblemi dünyada ən çox tanınan loqotiplərdən biridir.
1985-ci ildə Romadakı Milli Müasir İncəsənət Qalereyasında «Fendi»nin 60 illiyinə və Lagerfeldin bu brendlə əməkdaşlığının 20 illiyinə həsr olunmuş sərgi keçirilmişdi. 1999-cu ildə «Fendi» şirkəti «LVMH» (Moet Hennessy Lois Vuitton) kimi nəhəngə satıldı. «LVMH» markaya böyük vəsait qoyur və daim firma mağazaları şəbəkəsini genişləndirir. Karl Lagerfeld isə əvvəlki tək «Fendi»nin kreativ direktorudur.
Dizayner Silviya Venturinin FF modelləri, Peekaboo və s. xətlərdə olan məhsullar çoxdan şou əhli və zəngin xanımların hitinə çevrilib. Fendi orijinal çantalarını məşhur italyan ustaları əl işi ilə çox diqqətlə istehsal edir.
Fendi sumkaları haqqında aşağıdakı videoya baxmağı və yaxınlarınıza bizim sayt vasitəsilə ilə almağı təklif edirik: